老公今天開始放暑假....哈哈...大家會好奇怪，點解韓國人咁大個都有暑假....因為一來，韓國夏天很炎熱，二來，韓國公司多數呢段時間安排員工大假，所以7月及8月份會很多韓國人出外旅遊。
不過我們沒有出外旅遊，因為我們要返羅州探老爺奶奶。尤其老公是獨子，又唔係同老爺奶奶一齊住，放長假一定要返去...
由京畿道出發去羅州，若果老公渣車的話，都要3個半小時.....長途車呀....@@ 不過如果搭巴士也要差不多4個幾小時.....
我們下午才出發，而且中途又係休憩所(휴개소)買野飲，去下洗手間，伸展一下。所以我們到達光州廣域市已經係晚上差不多11時。
老公話不能兩手空空返老家，所以去了光州的Emart，買了一些餸、水果等等。
估唔到韓國的無核西瓜可以是咁貴呢....一個要21900 won...(大約HK$152)，係韓國買水果真係花費很大呢.....
本來老公想買紅蔘產品，可是那個專櫃關了門，所以唯有放棄。
買完野，又繼續向羅州出發。
我們一入屋，老公已經着我要向老爺奶奶行大禮..(即係好似大長令咁，兩隻手放在額前的行禮)...
然後奶奶捉著我和老公不斷傾計....這個也難怪吧....老公是獨子, 又不是經常見面...我們傾到差不多凌晨2時才去休息...
沒有留言:
張貼留言
謝謝各位留言，如果想以電郵收到留言回覆，請按留言方框下的「通知我」。如果訂閱後，想取消，可unclick「通知我」。