韓國生活：製作DIY朱古力(實驗版)

2013年2月8日(星期五)

今天出去市中心買餸，順便買了朱古力回來。(哈哈，點解又買，因為想試整，練習一下，下星期就正式整情人節朱古力。)

我買了3款不同的朱古力，同埋兩支朱古力唧唧筆。

 

 

我見明天開始是新年連休假期，趁銀行開門拿拿聲去攞定錢。係櫃員機隔離，見到有可愛的蛇年信封，我攞了兩個回家。

 

我覺得這個信封可以封歲拜錢給晚輩時用(類似我們的利是)。不過，如果大家有追看過我的Blog，一定知道韓國人無論是給結婚人情、新年的歲拜錢都是用白色信封的。咁大吉利是??哈哈..韓國人覺得白色是純潔，清晰，真係港韓文化大不同。

 

 

哈哈，趁著老公未放工，快手試下整朱古力。我比較懶，同埋唔想為了一年才整一次朱古力而特別買溶朱古力機，所以只是用熱水加熱整溶朱古力。同埋我都是用之前從香港帶過黎的模具。

原來DIY朱古力有一定難度，要快手的倒落個模，如果唔係朱古力好快會凝固的，又要再加熱。之後，放入雪櫃讓它凝固。不過在脫模時，其中一個花形朱古力未完全凝固，脫模失敗。