今天早上起床時，發現左眼的眼結膜無端端有積血，很驚呀...
於是話比老公聽，肯好老公轉了返夜班，所以他下午渣車接我返學放學，同埋陪我睇醫生。
我們在香港睇醫生，傷風感冒會去睇私家醫生，眼痛又係去睇私家醫生。即係話私家醫生睇晒內外全科。如果要去睇專門的醫生，一般要去左睇私家醫生，然後由私家醫生寫信轉介去睇專科醫生。
在韓國睇醫生，與香港有不同的。通常有甚麼病，就要去返相關的專科醫生。傷風感冒要去睇"耳鼻咽喉科(이비인후과)"，肚痛要去睇"內科(내과)"，眼痛要去睇"眼科(안과)"。
所以老公接我放學後，帶我去了眼科診所。去到護士先幫我登記，然後等叫名睇醫生。
到我時，老公叫我自己一個人入去，佢係外面等.....嘩，我的韓文仲係BB，即係考起我啫。@@
入到去，個醫生就問我有咩病，我同佢講我隻左眼痛，佢問我幾時開始，我答佢今早開始。
然後，佢用儀式檢查我的眼睛，而且仲影低相片作紀錄。
醫生叫我呢段時間都要keep 住滴眼藥水，同埋唔可以大力擦眼睛，大約1至2星期積血會散的，臨離開醫生房時，護士替我滴了眼藥水才走。雖然醫生及護士全部都係講韓文，幸好我都聽得明，同埋應對到....不過個心真係卜卜跳....
之後我去登記處付醫生費及取藥單。醫生只會發藥單，然後要自己去附近藥房搵藥劑師執藥。
因為有國民醫療保險，所以只需要比6000won(約HK$43)醫生費。
去到藥房執藥，wow...這支眼藥水要7200won(約HK$52)，即是睇醫生連藥總共HK$95。不過我只是得一支眼藥水，如果是有幾款的藥，應該會貴的...
沒有留言:
張貼留言
謝謝各位留言，如果想以電郵收到留言回覆，請按留言方框下的「通知我」。如果訂閱後，想取消，可unclick「通知我」。